Azərbaycanda Kino Şurası yaradıldı

Azərbaycanda Kino Şurası yaradıldı

Azərbaycanda Kino Şurası yaradıldı

person access_time 1 həftə əvvəl
thumb_up 322 thumb_down 2 visibility2585

Azərbaycanda dövlət dəstəyi ilə bədii, sənədli və animasiya filmlərinin istehsalı üçün müsabiqələrin təşkilini həyata keçirmək məqsədilə Mədəniyyət Nazirliyi yanında Kino Şurası yaradılıb.

Hürriyət Azərbaycan xəbər verir ki, dövlət və özəl kino istehsalı müəssisələri üçün film layihələri müsabiqələri təşkil edəcək Şura üç İşçi qrupundan ibarətdir.

Birinci İşçi qrupu müsabiqəyə təqdim ediləcək film layihəsinə daxil olan ssenari və sənədlər toplusunun maliyyə və hüquqi baxımdan texniki parametrlərə uyğunluğuna əsasən növbəti mərhələyə buraxılan layihə və ya layihələrin, ikinci İşçi Qrupu ssenarilərin bədii-kinematoqrafik keyfiyyətlərinə əsasən, növbəti və son mərhələyə buraxılan layihə və ya layihələrin, üçüncü İşçi qrupu isə ssenari və sənədlər toplusunun əvvəlki mərhələlərdə aldığı qiymətləri də nəzərə alaraq, çəkiləcək filmlərin prodüser və rejissorlarının iştirakı ilə keçirilən pitçinq prosesinin nəticələrinin müəyyən edilməsini həyata keçirəcək.

Kino yaradıcılığı və istehsalı ilə bağlı mütəxəssislər, hüquqşünas, kino maliyyəçisi, KİV-in, müstəqil prodüser mərkəzlərinin, kino nümayişi müəssisələrinin nümayəndələri, dövlət studiyalarının rəhbərləri, kino-marketinq mütəxəssisləri, eləcə də, müxtəlif sənət adamlarından təşkil olunan Kino Şurasının tərkibi aşağıdakı şəxslərdən ibarətdir:

Şuranın sədri

Nazim Hüseynov – “Azərbaycanfilm” kinostudiyasının direktoru

Ərizələrin və sənədlərin qəbulu üzrə İşçi qrupu:

Fikrin Bektaşi – hüquqşünas;

Orxan Əliyev – kino maliyyəçisi;

Leyla Vəzirzadə – kinoşünas, Şuranın Katibi.

Ssenarilərin bədii-kinematoqrafik baxımdan qiymətləndirilməsi üzrə İşçi qrupu:

Yavər Rzayev – rejissor, ssenarist;

Mirbala Səlimli – rejissor, ssenarist;

Fariz Əhmədov – rejissor, prodüser;

Cahangir Səlimxanov – mədəni irs üzrə ekspert, Avropa Mədəniyyət Parlamentinin üzvü;

Roman Orkodaşvili – ssenarist, redaktor, “Nə? Harada? Nə zaman?” (Rusiya) komandasının üzvü;

Orxan Abbasov – operator, Paris Beynəlxalq Kino və Televiziya Məktəbinin məzunu;

Mansur Şəfiyev – rejissor-animator;

Aygün Aslanlı – kino tənqidçisi;

Aydın Talıbzadə – teatrşünas.

Layihələrin iqtisadi qiymətləndirilməsi (pitçinq) üzrə İşçi qrupu:

Nazim Hüseynov – “Azərbaycanfilm” kinostudiyasının direktoru;

Rüfət Həsənov – “Debüt” studiyasının direktoru;

Balakişi Qasımov – İctimai Televiziyanın baş direktoru;

Orman Əliyev – Bakı Media Mərkəzinin direktoru;

İlqar Nəcəf – “Buta Film” prodüser mərkəzinin təsisçisi;

Əli-Səttar Quliyev – “Mozalan” studiyasının direktoru;

Elmar İmanov – “Color of May” (Almaniya) prodüser mərkəzinin direktoru;

Rüstəm Fətəliyev – “Park Cinema” kinoteatrlar şəbəkəsinin piar meneceri.Oxu.Az

Xəbərlər

Gözlənilən hava şəraiti açıqlandı

Gözlənilən hava şəra...

access_time9 saat əvvəl
190 manatla bağlı mühüm təklif

190 manatla bağlı mü...

access_time15 saat əvvəl
Toylarla bağlı

Toylarla bağlı...

access_time15 saat əvvəl
zoom_in zoom_out