Ekspert: Qlobal ticarət savaşı dollara tələbi artıracaq

Ekspert: Qlobal ticarət savaşı dollara tələbi artıracaq

Ekspert: Qlobal ticarət savaşı dollara tələbi artıracaq

person access_time 4 ay əvvəl
thumb_up 322 thumb_down 7 visibility2847

ABŞ Avropadan idxal edilən məhsullara yeni idxal vergisi tətbiq etməklə  birjalara təsir göstərəcək.

Hürriyət Azərbaycan xəbər verir ki, bu barədə iqtisadçı ekspert Vüqar Bayramov məlumat verib.

Onun sözlərinə görə, oktyabrın 18-dən etibarən ABŞ Avropadan idxal etdiyi şərab, viski, pendir və bir sıra başqa məhsullara yeni idxal vergisi tətbiq edəcək:

“Dünən Ümumdünya Ticarət Təşkilatına (ÜTT) müraciət edən Tramp Administrasiyası Fransa, Almaniya, İspaniya və Böyük Britaniyadan idxal edilən sərnişin təyyarələrinə 10 faiz, İrlandiya və Şotlandiya viskiləri və digər Avropa məhsullarına 25 faiz rüsum tətbiq etmək niyyətindədir.

Bu addım qlobal ticarət savaşının yeni mərhələyə qədəm qoyması anlamına gəlir. Bu kontekstdən, 2020-ci ildə də qlobal iqtisadi artım tempinin azalması və strateji bazarlarda volatilliyin yüksək olması gözləniləndir. Deməli, ticarət savaşları yeni qlobal iqtisadi böhran üçün ciddi əsaslar yaratmaqdadır.

Yeni qlobal ticarət savaşı artıq birjalara təsir göstərməkdədir. Brent markalı neftin bir barelinin qiyməti 58 dollardan aşağı düşüb. Neftin qiyməti Azərbaycana daxil olan valyutanın həcmi baxımdan çox vacibdir.

Ölkəmizin ixracatında xam neftin payı 81 faiz, enerji məhsullarının ümumi payı isə 90 faizə yaxındır. 2019-cu il dövlət büdcəsində neftin bir barelinin qiyməti 60 dollar nəzərdə tutulub. Hələlik orta qiymət 60 dollardan yüksək olsa da, növbəti üç aydakı tendensiya heç də nikbin notlar formalaşdırmır.

Azərbaycan üçün fiskal qırmızı xətt 60, monetar qırmız xətt isə 50 dollardır. Bu baxımdan, neftin qiymətindəki azalmalar monetar baxımdan da arzuolunan deyil. Neftin qiymətində azalmalarda davam edirsə, bu dünya bazarında dolların möhkəmlənməsinə səbəb olacaq.

Bu halda ölkəmizdə də dollara tələbin artacağı istisna edilmir. Hər halda, qlobal ticarət savaşı nəinki inkişaf etmiş, heç inkişaf etməkdə olan ölkələr üçün də yaxşı nə isə vəd etmir”.Oxu.Az

Xəbərlər

İlham Əliyev Dövlət Agentliyinə 4,9 milyon manat ayırdı

İlham Əliyev Dövlət ...

access_time3 gün əvvəl
Azərbaycanda bu məhsullar bahalaşıb - RƏSMİ

Azərbaycanda bu məhs...

access_time1 həftə əvvəl
Pensiyalar artımlarla birgə ödənildi - RƏSMİ

Pensiyalar artımlarl...

access_time1 həftə əvvəl
zoom_in zoom_out